Die kleine Kerwe Rede von Jannik Zimmer

Ihr liewe Leit un Kerwegäscht,

es is soweit: es schännschde Fescht!

Freidags kammer schon gugge, värdel no 8,

was unser A-Jugend beim Kerwespiel macht.

Samschdags dann geht’s weider am 10,

senn die weitere Jugendspiele zu seh.

Un schon ab 9 Uhr moins, wer’s mem Fußball net so hat:

Beim Arno finnt e „Day-Drinking-Party“ statt!

Dort geht’s dann rund, de ganze Daa, alder Schlabbe,

die GSG9 dud Bier dort zabbe!

Ab 11 Uhr hert mer dort es änd odder anner Schdigg

von de Moosalbtaler Blasmusik!

Ab 12 Uhr werrn vom Juner Ralf garantiert

Rahmschnitzel un Pommes serviert!

Ab 14 Uhr kommt de Geisinger Dieter,

spielt live mit seiner Giddaa die beschde Lieder!

Wer geh Owend anne kä Ende dud finne,

geht ab 19:15 Uhr an de Raseplatz do hinne.

Dort finnt dann statt es „Stonegarden OpenAir“,

Partyhits un Techno-Flair!

Kerwe-Sonnda: Die Kerb jetz ersch richtig beginnt,

wann ab 10 Uhr im Gottesdienscht de MGV „Frohsinn“ singt!

Es Highlight deno, am 11 Uhr 30,

do reimt am Rathaus de Jannik ganz fleißich!

Er losst in de Kerweredd kä Thema aus,

bevor’s dann geht uf de Sportplatz unne naus.

Die Kerwespiele vom SVH werrn gespielt uffm Raseplatz,

deno gebt’s dort hinne noch Party un Rabatz!

Mondags moins dann, ab 9, das darf mer net vergesse,

gebt’s am Sportheim es Rührei-Esse!

Am 10 Uhr is dann wohl jeder schon am Glas,

beim Friehschobbe im Sportheim mem Udo Haas!

Un a ab 11 Uhr senn beim Arno schon Gäscht,

es Gasthaus Juner lad in zum Kerwe-Mondags-Fescht!

Dort werd dann a ein Food-Truck steh,

uf de Hauptstroß gebt’s Musik, es werd gedanzt – ach werd das schee!

Die Hermeschbeijer Gemää fräät sich uf eich, so is das äwe,

wann all zamme feiern, friedlich, un losse die Kerb hochläwe!

Un ens, ihr Leit, muss ich noch sa:

Freida ab 6 spielt schon die AH!

Un dass a alles komplett is hier:

Bei de Feierwehr gebt's Bier ab 4! 😁🫱🏽‍🫲🏽🍻